MOFA
أهلا وسهلا بك أيها الزائرالكريم ويجب عليك التسجيل لكى تتمكن من المشاركة معنا
MOFA

مدرسة محمد فريد الاعدادية بنات ... إدارة الزاوية التعليمية... محافظة القاهرة
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول
مدرسة محمد فـريـد الاعدادية بنات ترحب بكم

شاطر | 
 

 موسوعة الرخامة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أ/أحمدعبدالنبى
Admin
avatar


مُساهمةموضوع: موسوعة الرخامة   12/21/2010, 11:38 pm

· ايه الحيوان اللي بياكل ويشرب بديله؟
كل الحيوانات بتاكل وتشرب بدلها،عمرك شفت حيوان ساب ديله وراح ياكل؟

· طب ليه التلاجة غبية؟ عشان بتحفظ الاكل .. مبتفهموش

· ايه الشبه بين الجورنال والشمس ؟؟ ……… الاتنين بيطلعوا الصبح

· ايه الشبه بين التفاح والكمثرى ؟؟ ………. الاتنين مش جوافة

· واحد وقع من الدور التاسع لقى ايه؟؟ …….. لقى مصرعه

· ليه الارنب مبيعديش من قدام القهوة ؟؟ بيخاف من السحلب المكار

· دكتور اسنان ارتكب جريمة يسجنوه فين ؟؟ ………. في سجنال تو

· ليه نابليون كان بيقعد قدام التلاجة ؟؟ ………… عشان يطمن علي حملة فريزر

· إيه وجه الشبه بين الحلاق وجورباتشوف ؟ …………الإتنين بيتعاملوا مع الروس

· إيه وجه الشبه بين القمر وصينية البطاطس ؟………. الإتنين ميتعملوش عصير مانجو

· ليه الأرجنتين مش بيزرعوا تين ؟ …………… لأنها دولة للا....تينية

· واحد بيحدف زلطة على بيت ازاز والبيت محصلوش حاجة ليه؟

عشان الزلطة مجتش فيه

· طب كتكوت بيعدي الشارع و فجأة مات .. ليه؟ ……… الزلطة جت فيه

· حاجه طايره فى السما وبتقول نياو ايه هى؟؟؟……… قطه بيضاء مضروبه بالشلوت

· طب حاجه سوده طايره فى السما وبتقول نياو ايه هى؟؟؟…….. غراب بيستهبل

· طب حاجه بنى طايراه فى السما وما بتقولش حاجه ايه هى؟؟؟ …… فرده جزمة الراجل الى ضرب القطه البيضاء

· طب حاجه سوده طايره فى السما وما بتقولش حاجه ايه هى؟؟؟ …… غراب عاقل وما بيحبش يستهبل

· حاجه زرقاء طايره فى السما ايه هى؟؟ ……… ذبابه لابسه بنطلون جينز

· حاجه سوده وفيها خط احمر وطايره فى السما من الشرق للغرب ايه هى؟؟؟…. ذبابه لابسه فستان سواريه وحاطه روج احمر ورايحه فرح واحده صاحبتها

· حاجه سوده وفيها خط احمر وطايره فى السما من الغرب للشرق ايه هى؟؟؟…….. نفس الذبابه نسيت حاجه فى البيت رجعت تجيبها

· حاجه سوده ماشيه فى الصحراء ايه هى؟؟؟……….. سرب نمل رايح يعزى

· نقطه سوده على الحيطه ايه هى؟؟؟ ………… دبانة

· طب نقطتين سود على الحيطه تبقى ايه؟؟؟ …….. فيشه

· طب 3 نقط سود على الحيطه تبقى ايه؟؟؟………. دبانة وفيشه

· طب 73 نقطه سوده على الحيطه تبقى ايه؟؟؟………. يبقى بياض البيت بيقشر

· حاجه رفيعه وطويله ولونها ابيض ايه هى؟؟؟ فتله بيضاء

· حاجه رفيعه وطويله ولونها اسود ايه هى ؟؟؟ ………… خيال الفتله البيضاء

· ازاى نصطاد الفيل الاحمر؟ ………………. بالبندقية اللي بتصطاد الفيل الاحمر

· ازاى نصطاد الفيل الاخضر ؟……………….نستنى لما يستوى ونصطاده ببندقية الفيل الاحمر

· ازاى نصطاد الفيل الازرق؟ ………………. نكسفه وشه يحمر ونصطاده ببندقية الفيل الاحمر

· دكتور اتجوز محامية خلفوا ولد يسموه ايه؟ ………… أحمد على اسم جده

· ايه الفرق بين القلة والزير ؟…………….فى فوازير ومفيش فوا قلة

· ايه عكس كونكريت ………… . لاتكن كريت

· ازاي نحط فيل في الثلاجة على ثلاث مراحل؟……………. نفتح الثلاجة - ندخل الفيل في الثلاجة - نقفل الثلاجة

· طب ازاي نحط زرافة في ثلاجة على اربع مراحل؟…………. نفتح الثلاجة - نخرج الفيل - ندخل الزرافة - نقفل الثلاجة

· احترقت حديقة الحيوانات فاحترقت جميع الحيوانات ماعدا الزرافة لماذا؟…………………. لأننا وضعنا الزرافة بالثلاجة

· ايه اكتر حيوان مبيعرفش يستخبى ؟ ………………… الثعبان بان بان بان بان بان

· طيب ايه اكتر حيوان بيسمع اغاني اجنبي ؟ ……………… الغراب راب راب راب راب

· طيب ايه اكتر حيوان بيسيح في الحر ؟……………….. التمساح ساح ساح ساح

· ليه مصر مش محتاجة بطاطين ؟ …………….. علشان اتصالات غطت مصر كلها
الرجوع الى أعلى الصفحة اذهب الى الأسفل
 
موسوعة الرخامة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MOFA :: قسم النكت والألغاز والفوازير :: الألغاز والفوازير-
انتقل الى: