MOFA
أهلا وسهلا بك أيها الزائرالكريم ويجب عليك التسجيل لكى تتمكن من المشاركة معنا
MOFA

مدرسة محمد فريد الاعدادية بنات ... إدارة الزاوية التعليمية... محافظة القاهرة
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول
مدرسة محمد فـريـد الاعدادية بنات ترحب بكم

شاطر | 
 

  اوعي تقعد مع جدتك يوم الامتحان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
esraa mohamed
عضو مميز
avatar


مُساهمةموضوع: اوعي تقعد مع جدتك يوم الامتحان    3/5/2011, 3:10 am

أذان الظهر ..

يارب .. يارب تنجح يا ياابن ابني وأشوفك دكتور أد الدنيا -

ياستي بس انا في تجارة -

وماله يابني هو يكتر علي ربنا ....... ده ربنا قادر علي كل شيء -

ياستي ونعم بالله بس اللي بيطلع دكتور لازم يكون في كلية الطب مش التجارة -

ياللا تجارة تجارة ... ومالها التجارة .. دي حتي التجارة شطارة .. ده الله يرحمه جدك كان تاجر في الوكالة أد الدنيا -

ياستي التجارة اللي في الوكالة حاجة واللي في الكلية حاجة تانية -

ع العموم شد حيلك ... وانا أخلي جدك يخدك معاه الوكالة-

جدي إيه اللي هايخدني معاه ...... ده جدي مات من زمان ياستي -

يا مصيبتي عبد الواحد مات .. ياحبيبي يا أخويا .. مكنش يومك -

ياستي ده ميت من ثلاثين سنة -

ثلاثين سنة .. ده العمر بيجري ياولاد تصدق ولا حسيت بيهم .... ياللا اهو غار في داهية ..... قطع وقطعت سيرته .. ده كان بخل الدنيا فيه .. أن ماعمره دخل عليا ببطيخة ولا كيس جوافة

ياستي حراااام عليكي عايز أذاكر بقي -

يوووه ... وانا ماسكاك
ياوله .. ذاكر ... ذاكر عشان ربنا يكرمك
وتنجح وتاخد الدبلون -

ياستي دبلون ايه .. أسمه البكالوريوس -

أنته ح تضحك عليا ياوله .. أسمه الدبلون الواد ابن جارتنا جدع زيك كده في مدرسة التجارة وخد الدبلون -

خلاص دبلوم دبلوم ياستي .. سيبيني بقي عشان اذاكر -

ذاكر .. ذاكر يأخويا ذاكر ... تعرف ياواد ... ندرن عليا يوم ماتنجح لأكون رايحة خاطبالك البنت عبير ..... دي ايه ياواد .. أدب وأخلاق .. وعلام كمان

ياستي عبير دي معاها أعدادية -

- وماله يابني ... الراجل مايعبهوش إلا جيبه

راجل ..... راجل مين ياستي .... عبير دي بنت -

- عبير ..... عبير مين ياوله ..... أنته بتعرف بنات من ورانا

لا اله الا الله ...... أبوس ايدك ياستي إرحميني بقه

- طب ذاكر .... ذاكر جتك نيلة وأنته طالع براوي كده زي أمك ... قطعت وقطعت سيرتها ... أنا مش عارفة أبوك كان أجوزها علي إيه .. حكم .. قال لبس البوصة تبقي عروسة .. بس والله لأكون مبوظة الخطوبة دي ومجوزاه أنيسة بت اختي

- ياستي خطوبة إيه .. أبويا مجوز امي من خمسة وعشرين سنة .. وبعدين أنيسة دي بنت أخوك مش بنت اختك .. واساسا إنتي ملكيش إخوات بنات

صحيح ياوله .. أنته عندك حق أنا مليش إخوات بنات .. أصلي انا أمي ماكنتش بتخلف صبيان -

حرااااااااااااااا ااااااااااااا
اااااااام ............. ستي ماتطلعي البلكونة شوية .. ده الهوا حلو بره -

لأ ياخويا ..... في جدع كده حليوة وشعره مسبسب في البلكونة اللي في الوش بيقعد يعاكسني -

خلاص روحي المطبخ ... أهو زمان أمي خلصت الرز -

رز ... رز إيه يابني ..... هو أنا ليه سنان للمكرونة ..... أنا هطلع البلكونة أحسن -

طب أبقي خلي بالك م الهوي ياستي -



الحمد لله أخيرا خرجت وقدرت أذاكر ..
رحت الأمتحان تاني يوم وربنا كرمني
وحليت كويس لكن للأسف المراقب سحب مني الورقة
قبل ماأكتب أهم حاجة فيها


ياتري أنا كان إسمي إيه ؟؟؟؟ ياتري كان إسمي إيه ؟؟؟؟
أنا مين؟؟
انا ليييييييه؟؟
انا ازاااي؟؟ Exclamation Question
الرجوع الى أعلى الصفحة اذهب الى الأسفل
الهام
عضو نشيط



مُساهمةموضوع: رد: اوعي تقعد مع جدتك يوم الامتحان    3/17/2011, 6:12 pm

هههههههههههههههههيه جميلة جدااااا ياسوسو فعلا الى يعرف ميقعدش مع جدتو يوم الامتحان Very Happy Very Happy
الرجوع الى أعلى الصفحة اذهب الى الأسفل
الاء رضا
عضو نشيط



مُساهمةموضوع: رد: اوعي تقعد مع جدتك يوم الامتحان    4/17/2011, 5:42 pm

جميله اوى : affraid affraid ده نسته اسمه confused confused
الرجوع الى أعلى الصفحة اذهب الى الأسفل
 
اوعي تقعد مع جدتك يوم الامتحان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MOFA :: قسم النكت والألغاز والفوازير :: النكت-
انتقل الى: