MOFA
أهلا وسهلا بك أيها الزائرالكريم ويجب عليك التسجيل لكى تتمكن من المشاركة معنا
MOFA

مدرسة محمد فريد الاعدادية بنات ... إدارة الزاوية التعليمية... محافظة القاهرة
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول
مدرسة محمد فـريـد الاعدادية بنات ترحب بكم

شاطر | 
 

 حوار بين الحفيدة وجدها سنة 2050

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أ/أحمدعبدالنبى
Admin
avatar


مُساهمةموضوع: حوار بين الحفيدة وجدها سنة 2050   4/10/2009, 5:56 pm

اليوم أنا جبتلكم حوار بين حفيدة وجدها سنة 2050
بس بجد لذيذ جدا وإن شاء الله يعجبكم
تعالو نشوف ايه اللي هيقولوه
يالله بينا علي بركة الله


الحفيدة: جدو تامر إزيك .. حلو البدي اللي انت لابسه ده . بس ده موضة قديمة قوي يا جدو

الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه؟


الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدي اللي مبين البطن والظهربس، مع البنطلون السترتش الجلد والجوانتي الجلد... كانت حاجة آخر روشنة

الحفيدة : ياه يا جدو .. ده انتوا كان ليكم تقاليد غريبة خالص

الجد : وهو انتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام سنة 2002م ، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق

الحفيدة : معقول يا جدو؟ للدرجة دي؟؟

الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن شبر ونص .. وكانوا الستات يلبسوا فوقيها بلوزة باستمرار ..مش زي دلوقتي

الحفيدة : يا خبر .. وإيه كمان ياجدو

الجد : ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب وكانت الأغنية مدتها أكثر من دقيقتين متواصلين من الطرب الأصيل والسريعة الروشة اللي تعمر النافوخ بصحيح كانوا مطربين روشين طحن وكله كوم والست كوم تاني

الحفيدة : ومين الست دي يا جدو

الجد : في حد مايعرفش الست...نانسي عجرم طبعا
الحفيدة : وبعدين

الجد : وبعدين كنا نسمع على حاجة اسمها اسطوانات ليزر ، ودي صحيح انقرضت ، بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة

الحفيدة : حكاويك ممتعة قوي يا جدو .. ثانية واحدة بس لما أصحي سوسو صاحبي لأنه بايت معايا في الأوضة من امبارح .. (بعد عدة دقائق) هيه يا جدو .. وبعدين

الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟
الحفيدة : 70 مليون بس؟

الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بخمسة وتلاتين جنيه ، وكان أتخن جوز جزمة بمتين وخمسين جنيه ، وكان الواحد يقدر يشتري شقة تمليك بـ 350 الف جنيه بس .. وكان الدولار بستة جنيه بس تخيلي بقى؟

الحفيدة : ما هو علشان كده كان الجواز على أيامكم كان سهل خالص

الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندنا الأفكار الغريبة اللي بتعملوها دلوقتي زي إن البنت تعد مع الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها
الحفيدة : ده انتوا كنتوا متزمتين خالص ياجدو!!

الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله عن حواله ... وكانوا أهل الفن محتشمين جداً وكانوا دايماً يطلعوا بالمايوهات البيكيني ، والمذيعات كانوا يقعدوا جنب الضيف مش على ركبته زي دلوقتي... هيـ يـ يـ يـ ـه الله يرحم دي أيام

الحفيدة : رايح فين يا جدو

الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ ..

يارب يعجبكم
لا تحرموني من دعائكم وردودكم


عدل سابقا من قبل أ/أحمدعبدالنبى في 4/11/2009, 11:32 pm عدل 3 مرات
الرجوع الى أعلى الصفحة اذهب الى الأسفل
احمد نور محمد
عضو جديد
avatar


مُساهمةموضوع: رد: حوار بين الحفيدة وجدها سنة 2050   4/10/2009, 7:58 pm

هوا حلو باس النكت احلى
الرجوع الى أعلى الصفحة اذهب الى الأسفل
أ/جابر توفيق
عضو نشيط



مُساهمةموضوع: رد: حوار بين الحفيدة وجدها سنة 2050   4/29/2009, 10:45 pm

حوار جميل يبين الفرق بين تصرفات الناس في القديم والمستقبل واعتقد انه هو دة اللى هايحصل يااحمد في المستقبل مع غياب القيم والاخلاق او تهميشها
الرجوع الى أعلى الصفحة اذهب الى الأسفل
engy
عضو جديد



مُساهمةموضوع: رد: حوار بين الحفيدة وجدها سنة 2050   11/1/2009, 8:49 pm

هههههههههههههههههههه حلوه جداااااااا بس مفتكرش ان في المستقبل هنوصل لى كده [كيلو الحمه3 الاف جنيه]
الرجوع الى أعلى الصفحة اذهب الى الأسفل
esraa mohamed
عضو مميز
avatar


مُساهمةموضوع: رد: حوار بين الحفيدة وجدها سنة 2050   3/10/2010, 12:30 am

ههههههههههههه

على فكرة والله جامدة اوى

بس صح معتقدش اننا ممكن نبقى كدة فى المستقبل

عموما مرسى ع الموضوع الجامد دة
الرجوع الى أعلى الصفحة اذهب الى الأسفل
أ/أحمدعبدالنبى
Admin
avatar


مُساهمةموضوع: رد: حوار بين الحفيدة وجدها سنة 2050   3/10/2010, 12:39 am

انتى نشيطة جدا ياإسراء
شكرا على مشاركاتك القيمة
واتمنى الاستمرار فى المشاركة وابداء رأيك فى كل مايخص الموقع
وان شاء الله نستفيد من آرائك القيمة
الرجوع الى أعلى الصفحة اذهب الى الأسفل
اسراء عاطف سعيد
عضو مميز
avatar


مُساهمةموضوع: الحوار بين الحفيدة والجد   5/26/2010, 12:02 pm

جميلة اوى لكن لحظة نعتقد ان بى نزبلنا ان ايام زمان حكاوي جميلة
الرجوع الى أعلى الصفحة اذهب الى الأسفل
asmaa mohammed25
عضو جديد
avatar


مُساهمةموضوع: رد: حوار بين الحفيدة وجدها سنة 2050   9/7/2010, 3:13 am

ههههههههههههههههه اكيد هو ده الهيحصل واكتر كمان Very Happy
الرجوع الى أعلى الصفحة اذهب الى الأسفل
 
حوار بين الحفيدة وجدها سنة 2050
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» علماء البيئة فى مصر يحذرون من غرق الدلتا بحلول عام 2050
» اب بيكلم ابنه سنة 2050‏
» تحذيرات من انفجار سكاني عام 2050 .. خبراء: نتائج خطيرة على صعيد الماء والغذاء والطاقة
» العالم سنة 2050
» حوار مذيعة مع شاب عام 2050

صلاحيات هذا المنتدى:لاتستطيع الرد على المواضيع في هذا المنتدى
MOFA :: قسم النكت والألغاز والفوازير :: النكت-
انتقل الى: